Kalittokai

((Originally extracted from master file ^KALI.OCP))
((Last updated on 2004 April 14th))

• {KALI 101-1} taḷi peṟu taṇ pulattu talai peyaṟku arumpu īṉṟu
• {KALI 101-2} muḷi mutal potuḷiya muḷ puṟa piṭavam um
• {KALI 101-3} kaḷi paṭṭāṉ nilai ē pōl taṭavupu tuṭuppu īṉṟu
• {KALI 101-4} ñelipu uṭaṉ niraitta ñekiḻ itaḻ kōṭal um
• {KALI 101-5} maṇi purai uruviṉa kāyā um piṟa um
• {KALI 101-6} aṇi koḷa malainta kaṇṇiyar tokupu uṭaṉ
• {KALI 101-7} māṟu etirkoṇṭa tam maintu uṭaṉ niṟumār
• {KALI 101-8} cīṟu aru muṉpiṉōṉ kaṇicci pōl kōṭu cīi
• {KALI 101-9} ēṟu toḻūu pukuttaṉar iyaipu uṭaṉ oruṅku
• {KALI 101-10} a vaḻi muḻakku eṉa iṭi eṉa muṉ camattu ārppa
• {KALI 101-11} vaḻakku māṟu koṇṭu varupu varupu īṇṭi
• {KALI 101-12} naṟaiyoṭu tukaḷ eḻa nallavar aṇi niṟpa
• {KALI 101-13} tuṟai um ālam um tol vali marāam um
• {KALI 101-14} muṟai uḷi parāay pāyntaṉar toḻūu
• {KALI 101-15} mēl pāṭṭu ulaṇṭiṉ niṟaṉ okkum puṉ kuru kaṇ
• {KALI 101-16} nōkku añcāṉ pāynta potuvaṉai cā kutti
• {KALI 101-17} kōṭṭu iṭai koṇṭu kulaippataṉ tōṟṟam kāṇ
• {KALI 101-18} am cīr acai iyal kūntal kai nīṭṭiyāṉ
• {KALI 101-19} neñcam piḷantu iṭṭu nērār naṭuvaṇ taṉ
• {KALI 101-20} vañciṉam vāyttāṉ um pōṉm
• {KALI 101-21} cuṭar virintaṉṉa curi neṟṟi kāri
• {KALI 101-22} viṭari am kaṇṇi potuvaṉai cāṭi
• {KALI 101-23} kuṭar coriya kutti kulaippataṉ tōṟṟam kāṇ
• {KALI 101-24} paṭar aṇi anti pacum kaṇ kaṭavuḷ
• {KALI 101-25} iṭariya ēṟṟu erumai neñcu iṭantu iṭṭu
• {KALI 101-26} kuṭar kūḷikku ārttuvāṉ pōṉm
• {KALI 101-27} cevi maṟai nēr miṉṉum nuṇ poṟi veḷḷai
• {KALI 101-28} kataṉ añcāṉ pāynta potuvaṉai cāṭi
• {KALI 101-29} nuti nuṉai kōṭṭāl kulaippataṉ tōṟṟam kāṇ
• {KALI 101-30} ār iruḷ eṉṉāṉ arum kaṅkul vantu taṉ
• {KALI 101-31} tāḷiṉ kaṭantu aṭṭu tantaiyai koṉṟāṉai
• {KALI 101-32} tōḷiṉ tirukuvāṉ pōṉm
• {KALI 101-33} eṉa āṅku
• {KALI 101-34} aṇi mālai kēḷvaṉ tarūumār āyar
• {KALI 101-35} maṇi mālai ūtum kuḻal
• {KALI 101-36} kaṭāa kaḷiṟṟiṉum kaṇṇañcā ēṟṟai
• {KALI 101-37} viṭāatu nī koḷkuvai āyiṉ paṭāakai
• {KALI 101-38} īṉṟaṉa āya makaḷ tōḷ
• {KALI 101-39} pakaliṭa kaṇṇiyaṉ paital kuḻalaṉ
• {KALI 101-40} cuval micai kōl acaitta kaiyaṉ ayalatu
• {KALI 101-41} kol ēṟu cāṭa iruntārkku em pal irum
• {KALI 101-42} kūntal aṇai koṭuppēm yām
• {KALI 101-43} kōḷāḷar eṉ oppār il eṉa nam āṉ uḷ
• {KALI 101-44} tāḷāṇmai kūṟum potuvaṉ namakku oru nāḷ
• {KALI 101-45} kēḷāḷaṉ ākāmai illai avaṉ kaṇṭu
• {KALI 101-46} vēḷāṇmai ceytaṉa kaṇ
• {KALI 101-47} āṅku ēṟu um varuntiṉa āyar um puṇ kūrntār
• {KALI 101-48} nāṟu irum kūntal potumakaḷir ellārum
• {KALI 101-49} mullai am taṇ poḻil pukkār potuvaroṭu
• {KALI 101-50} ellām puṇar kuṟi koṇṭu